تنظر المحكمة المختصة اليوم الاثنين 1 سبتمبر 2025، أولى جلسات محاكمة البلوجر أم سجدة، وذلك جاء على خلفية اتهامها بالتحريض على الفسق والفجور والإساءة إلى المرأة المصرية.
أولى جلسات محاكمة البلوجر أم سجدة
وزعمت البلوجر أم سجدة خلال التحقيق معها بتهمة التحريض على الفسق والفجور والإساءة إلى المرأة المصرية، أن الفيديوهات التي تبثها مضحكة أو إعلانية، ولا تقدم محتوى خادش للحياء.
وأكدت أم سجدة في اعترافاتها أنها لا تكسب أموالًا من الفيديوهات سواء على تيك توك أو فيس بوك، مضيفة: أنا مولودة ومتربية في السيدة زينب في دوران زينهم، وأبويا شغال سواق في المقاولون العرب ومامتي عاملة في مستشفى القصر الفرنساوي، وليا إخواتي أحمد وكريمة بس.
وتابعت: أنا مطلقة رسمي من حوالي شهرين ومعايا بنتي سجدة عندها 9 سنين وابني محمد عنده 7 سنين، ودلوقتي قاعدة معاهم في شقة إيجار في الهضبة الوسطى بالمقطم بقالنا فيها شهر ونص تقريبًا.
واستكملت أم سجدة في اعترافاتها: أنا خرجت من التعليم من تانية إعدادي، وبشتغل دلوقتي في عمل فيديوهات على النت لتسويق المنتجات، وبقالي حوالي سنة في الشغل ده.
وأردفت: اللي حصل يوم القبض عليا إني كنت قاعدة في البيت لقيت الحكومة بتخبط، ولما فتحت لقيت ناس كتير دخلوا وفتشوا البيت وسألوني عن موبايلي، ادتهولهم وخدوني على القسم، وهناك جم ناس من تكنولوجيا المعلومات فحصوا الموبايل وسألوني عن الفيديوهات، وأنا قولتلهم دي فيديوهات للتسويق والهزار مش أكتر.
