فعل السائق محمد عبده ربيع سليم، ابن قرية المساوية التابعة لمركز إسنا بمحافظة الأقصر، موقفا إنسانيا، حيث أعاد شبكة عروس بعدما فقدها أهل العروس الشبكة بالتوك توك الخاص به خلال توجههما لقاعة الفرح، حيث فوجئا بعد نزولهما من التوك توك بعدم وجود الحقيبة التي تضم المشغولات الذهبية.
نسيوها في التوك توك.. سائق بالأقصر يعيد شبكة عروس لأهلها: ربنا يغنينا بالحلال
وقال محمد عبده ربيع إن اثنين من أهل العروسين كانا يركبان معه عندما نسيا شبكة العروس، موضحا: وجدت الشنطة اللي فيها الشبكة بعد ما نزلوا وأنا مشيت، فرجعت المكان اللي وصلتهم له لقيتهم عمالين يدوروا عليها.
وأضاف سائق التوكتوك أن فرحتهم بعودة الشنطة كانت كبيرة جدا، مضيفا: لما فتحت الشنطة علشان أعرف فيها أي لقيت الشبكة عبارة عن غوشتين ودبلة وخاتم، ولما رجعتها لهم كانت فرحتهم لا توصف.
واستكمل: أول ما شوفت الحاجة مفكرتش غير في إني أرجعها لأصحابها، وأنا مش عاوز غير إن ربنا يغنينا بالحلال.. وبحمد ربنا إني قدرت أرجع الأمانة لصحابها.. وهما عرضوا عليا مكافأة مالية لكن مرضتش أخدها.
