أعلن محمد بسطويسي، عامل سيرك طنطا، التصالح والتنازل عن القضية المقامة أمام محكمة جنح مستأنف أول طنطا ضد مدربة الأسود أنوسة كوتة، عقب الاتفاق على تسوية ودية وحصوله على مبلغ مالي قدره 400 ألف جنيه، إثر إصابته ببتر في ذراعه نتيجة هجوم نمر عليه خلال أحد العروض.
تصالح عامل سيرك طنطا مع أنوسة كوتة
وقال عامل سيرك طنطا: لقيت نفسي بقول إن أنوسة كوتة أختي وأسامحها لوجه الله، إحنا إخوات قبل أي حاجة، والـ 400 ألف جنيه اللي هاخدهم كأنهم فلوس علاجي مش تعويض، وعفا الله عما سلف وكل واحد فينا يشوف حاله وشغله.
وأضاف: اتصالحت أنا وأنوسة كوتة انهاردة عند المستشار وليد الفولي، أنا قعدت مع المحامي بتاعها مقعدتش معاها، والفلوس اللي خدتها هسد بيها ديوني والباقي هتجوز بيه، والحمد لله ربنا كان كاتب اللي حصل لي، ومهما خدت منها فلوس هل دراعي هيرجعلي؟، الحمد لله على كل حاجة وكويس إني واقف على رجلي وقادر أمشي.
وفي وقت سابق، أصدرت محكمة جنح أول طنطا في محافظة الغربية، قرارًا يفيد بحبس أنوسة كوتة مدربة الأسود 3 أشهر، وكفالة 10 آلاف جنيه وتعويض مدني مؤقت قدره 100 ألف جنيه، إثر اتهامها بالتسبب في إصابة العامل محمد بسطويسي ببتر ذراعه نتيجة هجوم نمر عليه خلال أحد العروض في سيرك طنطا.
