حرص المطرب الشعبي إسماعيل الليثي، على إحياء الذكرى الثانوية الأولى لوفاة نجله رضا الشهير بـ “ضاضا”، وذلك بجوار منزله خلف قسم إمبابة.
إسماعيل الليثي يحيي الذكري الأولى لوفاة نجله ضاضا
ونظم المطرب الشعبي إسماعيل الليثي، تجمع عائلي أشبه بسرادق العزاء اجتمع فيه الأهل والأصدقاء لإحياء الذكرى الأولى لوفاة ضاضا، وذلك للاستماع لتلاوة القرآن الكريم ومواساة والده في حزنه على فقدان نجله الوحيد.
وكان توفي رضا إسماعيل الليثي، الشهير بـ ضاضا، في 21 سبتمبر 2024، إثر سقوطه من شرفة منزله متأثرًا بالإصابات التي لحقت به نتيجة تعرضه للحادث الأليم.
وفي وقت سابق، كشف المطرب الشعبي إسماعيل الليثي، سبب وفاة نجله الطفل رضا الشهير بـ ضاضا الليثي، خلال تصريحاته لـ القاهرة 24، قائلًا: رضا كان بيجي هنا في إمبابة يلعب خميس وجمعة، وصحي بدري وأخواته وكله نايم، وكان بيلعب وتوازنه اختل ووقع وتوفي، وأنا كنت موجود في بيتي وهو مرضيش يروح معايا وكان بيحب يقعد عند أمي، كان معايا لغاية 7 الصبح.
وأكد إسماعيل الليثي: رضا كان معروف في مصر كلها، ربنا يصبرني وما يحط حد في الموقف اللي أنا فيه، وكنت بزعق معاه ومع أمه وأقولهم متنزلوش له فيديوهات، وكان هيدخل في عمل مع منة شلبي، وعمله دلوقتي مع ربنا.
وأضاف الليثي: رضا كان معايا لغاية 7 الصبح وعرفت خبر وفاته الساعة 2، ادعوا له بالرحمة، وأي حد بيكتب عنه أي كلمة مالهاش لازمة هو مكنش عنده حاجة، كان صاحبي وابني وكل حاجة في الدنيا، وكان معايا امبارح بالليل في فرح وبيرقص ويغني والعريس والعروسة خرجوا جابوه من برا من كتر حب الناس فيه.
